منتديات وسع صدرك
يالطيب يقولون انك منت
مو مسجل عندنا ..!؟
مدري الكلام صحيح ولا إشاعه..!!


للتسجيل اضغط تحت
7
7
7
7

فطور رمضان

استعرض الموضوع السابق استعرض الموضوع التالي اذهب الى الأسفل

فطور رمضان

مُساهمة من طرف قلوب في الإثنين أغسطس 31, 2009 10:24 pm


مبارك علينا وعليكم الشهر :>

بتشفوون سفرتنا وايد خفيفه باول يوم لاني اغلب النهار كنت برا البيت ...ما قدرت اصور السفره وهي كامله بس عندي صور فرديه ان شاء الله احطهم بشكل مفصل باجر


المقبلات:
-سمبوسه جبن وخضار
- سلطه بدريسنغ الجبن
-شوربه عدس
-شوربه دياي
-شوربه خضار جاهزه حقي
-ساندويشات ربيان مقلي " بوبوي "
-ساندويشات جبن ومرتديلا مشويه



الاطباق الرئيسيه:
-تشريبه كراعين
-فته دياي
-عيش بالكاري



الحلويات والمشروبات:
- عصير جزر وتانج برتقال وفيمتو
-قطايف جبن ومكسرات
-رطب محشي جوز
-زلابيا وقرص عقيلي ودرابيل من الشمالي
-قهوه عربيه وشاي ونعناع
**سمبوسه جبن وخضار

حشوه الجبن والخضار ذاكرتها بموضوع تجهيز رمضان

** سلطه الخضار بدريسنغ الجبن


الدريسنغ خذته من كتاب منال العالم... تشبه طعم السلطه اليونانيه بشكل كبير واتوقع اضافه الزيتون بتعطيه طعم احلى

المقادير:
طماط مكعبات كبيره
خس شرايح
خيار مقطع انصاف دوائر
اوراق بقدونس
بصل اخضر شرايح رفيعه
فلفل اخضر مكعبات

مقادير الدريسنغ:
نص كوب جبن ابيض فرنسي مفتت بالشوكه
ربع كوب خل
3 م ك عصير ليمون
نص كوب زيت زيتون
نص م ص ثوم
م ك ريحان مجفف
نص م ك اوريغانو
م ص ملح

الطريقة:
نخلط مقادير الدريسنغ ( الخل والزيت والثوم والملح والاعشاب العطريه وعصير الليمون حتى يكون محلول مستحلب وبعدين نضيف الجبن ونخلطه ونتركه لي قبل التقديم
نخلط مكونات السلطه ونضيف الدريسنغ فوقها وتقدم على طول



**شوربه العدس


شوربه منال العالم .. خواني واجد حبوها

المقادير:
حبه بصل مفروم
حبتين جزر صغار او وحده كبيره
حبتين طماط كبار
معجون طماط حسب الرغبه
نص حبه ساليري
نص ملعقة صغيره حبوب كمون
ملح وفلفل حسب الرغبه
كوب عدس منقع ومغسول
قفشه صغيره ثوم مهروس
خمطه شعريه
مكعبين ماجي دياي
مرق سلق دياي او ماي عادي ( اذا نستخدم مرق سلق دياي نضيف مكعب واحد بس )
زيت نباتي

الطريقه:
نقطع الخضار باي طريقه لان بنطحنهابعدين
نحمر الزيت ونحمر فيه حبوب الكمون وبعدين نضيف البصل والثوموالفلفل الاسود ونحركه لين يذبل
نضيف الجزر والساليري والطماط ونحمسهم لين يذبلون شوي نضيف العدس ونقلبه قلبتين وبعدين نضيف الماي او المرق مع الماجي ونتركهم لين ينضجون
نهرسهم بالخلاط ونزيدهم ماي حسب الرغبه بالكثافه المطلوبه ونضيف الشعريه ونتركها تنضج وبالف عافيه

** شوربه الدجاج

المفروض تكون دجاج بالشوفان بس ما حصلته وبدلته باحرف المعكرونه...بشرت الجزر عشان لا تاخذ وقت بالطهي وهم شكلها حلو.. الاعشاب المجففه عباره عن خليط اي خضره تحبينها باي كميه ( بقدونس ؛ شبنت؛ كرفس ؛ كزبره ؛ اوريغانو؛ زعتر اخضر ..الخ)

المقادير:
صدر مسلوق ومسحب
جزر مبشور
بصل مفروم
اعشاب مجففه
مكعب ماجي خضار
ماي
ثوم مهروس
ملح وكمون وفلفل اسودحسب الرغبه

الطريقة:
نحمر البصل والثوم ونضيف له الدياي مع الجزروالبهارات والماجي واذا ذبلو واختلطو نضيف الماي ونتركه واول ما يغلي نضيف المعكرونه والاعشاب ونتركهم لي النضج وبالعافيه


** شوربتي هههه
شوربه خضار جاهزه مع خبز محمص بزيت الزيتون

** بوبوي ساندويش.. او ساندويشات ربيان مقلي



عرفت اسمها وانا ادور صلصه حلوه حق الربيان المقلي غير الترتار...وايد وايد سهله... انا ذاكره طريقه الربيان المقلي بالبلوق بس تقدرون تستخدمون اي ربيان جاهز .. تقدرون تضيفون على الصلصه نقط من الشطه ( الدقوس ) اذا حبيتو

المقادير:
شرايح خس رفيعه
ربيان مقلي
مايوتشب ( او مقدار متساوي من المايونيز والكاتشب)
عصير ليمون
نقط من الويشسترصوص
اي نوع صمون

الطريقه:
نخلط مقدار من عصير الليمون مع ضعفه من المايوتشب والصلصه ونتركه
نقصص الربيان حسب الرغبه
نشوي ويه الصمونه بالفرن
نحط عليهاكميه وفيره من الصلصه بجهتين الصمونه ونضيف الخس والربيان ونسكرهاو بالعافيه

**ساندويشات جبن ومرتديلا

للاسف الصوره ما تشوق وما حاولت اسنعها... عباره عن توست مدهون بمايونيز وماسترد محشي شريحتين جبن وشريحتين مرتديلا بالتناوب مع مخلل خيار وتنحط بالشوايه ليما تتحمر وبالعافيه

**فته دجاج



ارز بلكاري

ذاكره طريقتها بالبلوق بس شلت البطاط وحطيت بداله جزر مبشور

_________________
avatar
قلوب
عضو متحرك
عضو متحرك

انثى عدد الرسائل : 645
كيف تعرفت علينا؟ : صديق
الاقامة : الجبيل
تاريخ التسجيل : 11/11/2008

الرجوع الى أعلى الصفحة اذهب الى الأسفل

رد: فطور رمضان

مُساهمة من طرف الامبرطورة في الأربعاء سبتمبر 02, 2009 9:41 pm

تسلمين يا بعد حيي على هالموضوع

_________________


avatar
الامبرطورة
Admin

انثى عدد الرسائل : 1072
المزاج : فلها وربك يحلها
اعلام الدول :
المزاج :
كيف تعرفت علينا؟ : اخر
الاقامة : ليه ناوين على زياره ^_~
تاريخ التسجيل : 19/07/2008

http://waswas2008.montadalhilal.com

الرجوع الى أعلى الصفحة اذهب الى الأسفل

رد: فطور رمضان

مُساهمة من طرف تفاصيل ابتسامة في الإثنين سبتمبر 07, 2009 4:24 am

يالبيييييييييييييه اشتهيتهم اللهم اني صائمه خخخخ

_________________


ابي اسئلك ليه الزعل و القطاعه ..
هذا سؤالي و ابي منك حله ..
حبك ترى مازال في قلبي وداعه ..
و رقم الزعل خلك ياصاحبي منه ..
avatar
تفاصيل ابتسامة
عضو متحرك
عضو متحرك

انثى عدد الرسائل : 522
المزاج : كوووووول
اعلام الدول :
المزاج :
كيف تعرفت علينا؟ : صديق
الاقامة : فوق السطح
تاريخ التسجيل : 26/10/2008

الرجوع الى أعلى الصفحة اذهب الى الأسفل

رد: فطور رمضان

مُساهمة من طرف ملك الكون في الثلاثاء سبتمبر 08, 2009 12:02 am

مشكوووووره
avatar
ملك الكون
عضو فعال
عضو فعال

ذكر عدد الرسائل : 142
المزاج :
الاقامة : ksaالله يحفضها لنا ياااارب
تاريخ التسجيل : 03/11/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى